മോഹന്‍ലാല്‍-പ്രിഥ്വിരാജ് ചിത്രത്തിന് സംഭവിച്ചതെന്ത്? ലിജോ ജോസ് പല്ലിശേരി പറയുന്നു

സംവിധായകന്‍ എന്ന നിലയില്‍ താരമൂല്യം ഏറെയുള്ളവരുടെ കൂട്ടത്തിലാണിന്ന് ലിജോ ജോസ് പല്ലിശേരി. മോഹന്‍ലാല്‍, പ്രിഥ്വിരാജ് എന്നിവരെ പ്രധാന കഥാപാത്രങ്ങളാക്കി ലിജോ ഒരു ചിത്രത്തിന് ഒരുങ്ങുന്നതായി റിപ്പോര്‍ട്ടുകളുണ്ടായിരുന്നു.

ഓണ്‍സ്ക്രീനിലെ ഈ താര സംഗമം നടക്കാതെ പോയതിനെ കുറിച്ച്‌ അടുത്തിടെ ലിജോ ഒരു അഭിമുഖത്തില്‍ വ്യക്തമാക്കി.
പല കാരണങ്ങളും ചിത്രം ഉപേക്ഷിച്ചതിനു പിന്നിലുണ്ട്.

രണ്ട് വലിയ അഭിനേതാക്കളെ കൊണ്ടുവരുമ്ബോള്‍ അതിനു പറ്റിയ വിഷയം ആവശ്യമാണ്. പല സബ്ജക്റ്റുകളും പ്ലാന്‍ ചെയ്തു വരുമ്ബോള്‍ പലര്‍ക്കും കണ്‍വിന്‍സിംഗായില്ല. അതോടെ ചിത്രം വേണ്ടെന്നുവെച്ചുവെന്ന് അദ്ദേഹം പറയുന്നു.

പ്രഥ്വിക്കൊപ്പം ഫഹദിനെയും ഇന്ദ്രജിത്തിനേയും പ്രധാന വേഷങ്ങളില്‍ എത്തിക്കാന്‍ പദ്ധതിയിട്ട ആന്റിക്രൈസ്റ്റ് എന്ന സിനിമ തന്റെ മനസില്‍ ഇപ്പോഴുമുണ്ടെന്നും അത് സംഭവിക്കുമെന്നും ലിജോ ജോസ് പല്ലിശേരി പറയുന്നു.

Leave a Reply

Your email address will not be published. Required fields are marked *