അബിയുടെ മരണം ചികിത്സ പിഴവ് മൂലമോ? മകന്‍ ഷെയിന്‍ നിഗം പറയുന്നു

മിമിക്ര കലാകരനും, നടനുമായ അബിയുടെ മരണം ശരിയായ ചികിത്സ ലഭിക്കാത്തതിനെ തുടര്‍ന്നാണെന്ന ആക്ഷേപം സമൂഹമാധ്യമങ്ങളില്‍ ശക്തമാകുമ്ബോള്‍ പ്രതികരണവുമായി മകന്‍ ഷെയിന്‍ നിഗം. ഒരു വനിതാ മാഗസിന് നല്‍കിയ അഭിമുഖത്തിലാണ് ഷെയിന്‍ തന്റെ പിതാവിന്റെ വിയോഗത്തെ തുടര്‍ന്നുണ്ടായ വിവാദങ്ങളോടുള്ള പ്രതികരണം നടത്തിയത്.

മാഗസിന് നല്‍കിയ അഭിമുഖത്തില്‍ ഷെയിന്‍ പറഞ്ഞത്.

വിവാദത്തിന് ഞങ്ങളില്ല. ഒരു വൈദ്യന്റെ അടുത്ത് ചികിത്സയ്ക്ക് പോയതുകൊണ്ടാണ് മരണം എന്നൊക്കെ പലരും പറഞ്ഞു. കുറച്ചുനാള്‍ മുമ്ബായിരുന്നു അത്. അന്ന് ഒപ്പം ഞാനുമുണ്ടായിരുന്നു. ആള്‍ക്കാര്‍ പറയുന്നത് പോലെ ചികിത്സാ പിഴവാണോ എന്നൊന്നും എനിക്ക് അറിയില്ല. ഞങ്ങള്‍ ആരെയും കുറ്റപ്പെടുത്താനില്ല.

പല മാധ്യമങ്ങളിലും മരണത്തെക്കുറിച്ചും ചികിത്സയെക്കുറിച്ചും എഴുതിയത് വായിച്ചു. പുര കത്തുമ്ബോള്‍ അതില്‍നിന്ന് ബീഡി കത്തിക്കും എന്ന് കേട്ടിട്ടില്ലേ, ചിലരുടെ കുറിപ്പുകള്‍ കണ്ടപ്പോള്‍ അങ്ങനെയാണ് തോന്നിയത്. വാപ്പച്ചിയെക്കുറിച്ച്‌ എഴുതിയാല്‍ വായിക്കാനായി ആളുണ്ടാകുമെന്നുള്ളത് കൊണ്ടാകാം അത്തരത്തില്‍ അവര്‍ എഴുതിയത്.

Leave a Reply

Your email address will not be published. Required fields are marked *