പീഡനത്തെ പേടിച്ച് റെബേക്ക ശരീരഭാരം കൂട്ടിയത് 114 കിലോ; തിരിച്ചറിവുണ്ടായതോടെ 63 കിലോയിലേക്ക് എത്തി

26 വയസ്സുള്ള റെബേക്ക 2011 ലാണ് ലൈംഗിക പീഡനത്തിനരയാകുന്നത്. അന്നുമുതല്‍ തന്റെ ജീവിതത്തില്‍ സംഭവിച്ച നിര്‍ഭാഗ്യകരമായ സംഭവങ്ങള്‍ക്ക് സ്വയം പഴിചാരി ജീവിക്കുകയായിരുന്നു അവള്‍. തന്റെ സൗന്ദര്യമാണ് എല്ലാത്തിനും കാരണമെന്നു പറഞ്ഞ് പിന്നീടങ്ങോട്ട് ഭക്ഷണം കഴിച്ച് തടിച്ചു കൊഴുക്കാന്‍ തുടങ്ങി അവള്‍. ഒരുഘട്ടത്തില്‍ അവളുടെ തൂക്കം 114 കിലോഗ്രാം വരെയെത്തി.

എന്നാല്‍ അച്ഛന് വന്ന അസുഖമാണ് റെബേക്കയുടെ ജീവിതം മാറ്റിമറിച്ചത്. അത്‌ലറ്റും നിരവധി മാരത്തോണുകളില്‍ പങ്കെടുത്ത റെബേക്കയുടെ അച്ഛന് കാന്‍സര്‍ പിടിയിലാണെന്ന സത്യം ആ കുടുംബത്തെ പിടിച്ചുലച്ചു. ഇത്രയധികം കായികാധ്വനം ചെയ്യുന്ന അച്ഛന്റെ ശരീരത്തില്‍ രോഗം വന്നുവെങ്കില്‍ വര്‍ഷങ്ങളായി ശരീരം ശ്രദ്ധിക്കാതെ ജങ്ക് ഫുഡും കൊഴുപ്പും മാത്രം നിറഞ്ഞ ഭക്ഷണങ്ങള്‍ കഴിക്കുന്ന തന്റെ അവസ്ഥ എന്തായിരിക്കുമെന്ന് അവള്‍ ചിന്തിച്ചു. അപ്പോഴാണ് ഭക്ഷണം നിയന്ത്രിച്ച് അവള്‍ തന്റെ പഴയ ജീവിതത്തിലേക്ക് തിരികെ പോകാന്‍ തീരുമാനിച്ചത്.

അപ്പോഴേക്കും 2011 ലെ റെബേക്കയുടെ ചിന്താഗതിയില്‍ നിന്നും ഏറെ മാറിയിരുന്നു അവര്‍. പീഡനത്തിന് കാരണം പീഡിപ്പിക്കപ്പെടുന്ന സ്ത്രീയല്ല മറിച്ച് ആക്രമി തന്നെയാണെന്ന സത്യം മുതിര്‍ന്നപ്പോഴാണ് റെബേക്ക തിരിച്ചറിയുന്നത്. ഒരു സ്ത്രീയുടെ രൂപമോ ധരിക്കുന്ന വസ്ത്രമോ സാഹചര്യമോ ഒന്നുമല്ല പീഡനത്തിന് കാരണമെന്ന് അവര്‍ മനസ്സിലാക്കി. പിന്നീടങ്ങോട്ട് തിരിച്ചറിവിന്റെയും തിരിച്ചുപോക്കിന്റെയും നാളുകളായിരുന്നു.

കേബ്രിഡ്ജ് വെയ്റ്റ് പ്ലാന്‍ പ്രകാരമാണ് റെബേക്ക തടി കുറച്ചത്. 114 കിലോഗ്രാം ഭാരമുണ്ടായിരുന്ന റെബേക്ക അങ്ങനെ 63 കിലോഗ്രാമിലേക്ക് ചുരുങ്ങി. അപ്പോഴേക്കും റെബേക്കയുടെ അച്ഛന്‍ മരിച്ചിരുന്നു. അതോടെ റെബേക്ക പുറത്തുനിന്നുള്ള ഭക്ഷണം പൂര്‍ണമായും ഒഴിവാക്കി. റെബേക്കയുടെ അച്ഛന് വീട്ടിലുണ്ടാക്കുന്ന ഭക്ഷണം വളരെ ഇഷ്ടമായിരുന്നു. അച്ഛന്റെ മരണശേഷം റെബേക്കയുടെ അച്ഛന്റെ ഇഷ്ടങ്ങള്‍ക്കനുസരിച്ച് വീട്ടില്‍ ഭക്ഷണമുണ്ടാക്കി കഴിക്കാന്‍ തുടങ്ങി. അതുവഴി അച്ഛനോട് അടുക്കുന്നത് പോലെ അവള്‍ക്ക് തോന്നി.

ഇന്ന് അവള്‍ കഴിക്കുന്നതില്‍ 70 ശതമാനവും പച്ചക്കറികളാണ്. ചെറിയ അളവില്‍ പ്രൊട്ടീനും, കാര്‍ബോഹൈട്രേറ്റും ഫാറ്റുമെല്ലാം ഉണ്ട്. ധാരാളം വെള്ളവും റെബേക്ക കുടിക്കുന്നുണ്ട്. ഒപ്പം കഴിയാവുന്നത്ര നടക്കുവാനും റെബേക്ക ശ്രമിക്കുന്നുണ്ട്.

Leave a Reply

Your email address will not be published. Required fields are marked *