ഹോട്ടലില്‍ മുറിയെടുത്തുതന്ന് സ്വീകരണം നല്‍കും പതുക്കയേ കാര്യം മനസിലാകൂ; കാസ്റ്റിങ് ക്രൗച്ച് ദുരനുഭവങ്ങള്‍ തുറന്നുപറഞ്ഞ് സനാഖാന്‍

മുംബൈ: തെന്നിന്ത്യയില്‍ തിളങ്ങിയ നടിയാണ് സനാഖാന്‍. തനിക്ക് സിനിമ മേഖലയില്‍ നിന്നും നേരിടേണ്ടി വന്ന പീഡനങ്ങളെക്കുറിച്ച് തുറന്ന് പറഞ്ഞിരിക്കുകയാണ് സനാഖാന്‍ ഇപ്പോള്‍. സിനിമാ രംഗത്തു നില്‍ക്കുന്ന കാസ്റ്റിങ് കൗച്ച് സംഭവങ്ങളെ കുറിച്ചും അവര്‍ തുറന്നു പറഞ്ഞു.

തനിക്കും ധാരാളം മോശം അനുഭവങ്ങളുണ്ടായിട്ടുണ്ടെന്ന് നടി സനാ ഖാന്‍ പറഞ്ഞു. അത്തരം ആളുകളെ ചെന്നുകണ്ട് നല്ല ബന്ധം സ്ഥാപിക്കണമെന്നും അവര്‍ പറഞ്ഞു. അതിന് സാധിക്കാത്തതിനാല്‍ നിരവധി അവസരങ്ങള്‍ നഷ്ടമായി. ഇത്തരക്കാരെ പ്രീതിപ്പെടുത്തിയാല്‍ മാത്രമേ നിലനില്‍ക്കാനാകൂ എന്ന സ്ഥിതിയായിരിക്കുന്നുവെന്നും സന പറഞ്ഞു.

ഒരാളെക്കുറിച്ച് ഇത്തരമൊരു കാര്യം തുറന്നുപറഞ്ഞുകഴിഞ്ഞാല്‍ പിന്നീട് മറ്റാരും അവസരം തരില്ല. അവരേപ്പറ്റിയും തെറ്റിദ്ധാരണയുണ്ടാകാന്‍ അത് കാരണമാകുമെന്നതിനാലാണത്. എന്നാല്‍ സിനിമയില്‍ മാത്രമല്ല ഇത്തരം പ്രശ്‌നക്കാരെന്നും സന പറയുന്നു.

ഇത്തരം പല കാസ്റ്റിങ് കൗച്ചുകളും സഹിക്കേണ്ടതായി വന്നിട്ടുണ്ട്. ഈ ഇന്‍ഡസ്ട്രിയുമായി ബന്ധമില്ലായിരുന്നു. ഹോട്ടലില്‍ മുറിയൊക്കെ എടുത്തുതന്ന് നല്ല സ്വീകരണം നല്‍കും. പതുക്കെയേ കാര്യം മനസിലാകൂ. സന പറഞ്ഞു.

നേരത്തേയും കാസ്റ്റിങ് കൗച്ച് ദുരനുഭവങ്ങള്‍ തുറന്നുപറഞ്ഞ് നടിമാര്‍ രംഗത്തെത്തിയിരുന്നു. പലപ്പോഴും പേരുകള്‍ വെളിപ്പെടുത്താതെയാണ് ഇത്തരം തുറന്നുപറച്ചിലുകള്‍ ഉണ്ടാകാറുള്ളതും.

Leave a Reply

Your email address will not be published. Required fields are marked *